Նորություններ

Ավարտվեց Մայքրորսոֆթի „Live@Edu ծրագրի կիրառումը կրթական համակարգում“ թեմայով առաջին վերապատրաստումը հանրակրթական հաստատությունների ՏՀՏ մասնագետների և դասավանդողների համար: Մայքրոսոֆթի „Գործընկերներ ուսման ոլորտում“ ծրագրի շրջանակներում կազմակերպված դասընթացներն անցկացվեցին Տեղեկատվական տեխնոլոգիաների ազգային կենտրոնի աջակցությամբ և Մխիթար Սեբաստացի կրթահամալիրի անմիջական մասնակցությամբ:

Դասընթացների մասնակցեցին մասնագետներ Վանաձորի, Վահրամաբերդի, Վայքի, Գյումրու, Արտաշատի դպրոցներից: Այսուհետ ևս 11 դպրոցների աշակերտները, ուսուցիչներն ու ծնողները Live@Edu համակարգում, իրենց դպրոցի դոմեյնով կունենան էլեկտրոնային փոստեր, կարող են վարել իրենց բլոգերը, շփվել իրենց գործընկեներների և աշակերտների հետ հատուկ կրթական հաստատությունների համար նախատեսված Live@Edu համակարգով: 

Մասնակիցները ստացան մասնակցության վկայագրեր և վերադարձան իրենց դպրոցները ձեռք բերված փորձը փոխանցելու իրնեց գործընկերներին և աշակերտներին: Հոկտեմբերի 11-15-ը կանցկացվի „Live@Edu ծրագրի կիրառումը կրթական համակարգում“ թեմայով երկրորդ վերապատրաստումը Երևանի և հարակից մարզերի հետաքրքրված դպրոցների համար:

Այս դասընթացները կկրեն շարունակական բնույթ և կներգրավեն բոլոր հետաքրքրված դպրոցներին և կրթական կառույցներին:  Հայտնում ենք մեր շնորհակալությունը Տեղեկատվական տեխնոլոգինարի ազգային կենտրոնին ցուցաբերած աջակցության և Մխիթար Սեբաստացի կրթահամալիրին դասընթացների անցկացման համար:

Քրիստինե Գյոնջյան

Կրթական ծրագրերի ղեկավար

Մայքրոսոֆթ Հայաստան